عقلانیت (اردو)

زیر نظر کتاب ۔ دین عقل اور اُن کے آپسی تعلق کی نوعیت کا مسئلہ ابتدا سے انسان بشریت کے بنیادی مسائل کا حصہ رہا ہے۔ دین اللہ کا پیغام اور اسی کے ذریعہ دکھایا جانے والا قابل اطمینان اور سیدھا راستہ ہے۔ عقل بھی عطیہ الٰہی ہے جو حقیقت نما اور حجت باطنی ہے۔ جو انسانی وجود کا خاص امتیاز ہے۔ دین اسلام میں دیگر تحریف شدہ ادیان کے برخلاف عقل کو بہت اہمیت دی گئی ہے۔ یہاں عقل کو ایک بلند مرتبہ حاصل ہے۔ عقل کی کیا منزلت ہے؟ دین اور عقل کے درمیان کیسا رابطہ ہے؟ عقل کی رشد و نمو میں کون کون سے عناصر معاون ہیں؟ اور وہ کون سے عوامل ہیں جو عقل کی پرواز پر کمند ڈالتے ہیں؟ 
عقل اور دین سے متعلق ایسے متعدد مسائل کی وضاحت شہید مطہریؒ کیاس کتاب میں نہایت ظرافت اور بہترین انداز میں کی گئی ہے۔ یہ علمی کاوش مذکورہ مسائل پر مفکر اسلام شہید مرتضیٰ مطہریؒ کے نظریات کو پیش کرتی ہے.